Dee Erlawnisse con Alice em Wundalaund. Alice's Adventures in Wonderland in Mennonite Low German 7+

📙 Книга "Dee Erläwnisse con Alice em Wundalaund. Alice's Adventures in Wonderland in Mennonite Low German".Lewis Carroll ess dee Schriewanohme fe Charles Lutwidge Dodgson, Professa fe Mathematik aum Christ Church College, Oxford. Dodgson fong aun disse Jeschijcht aum 4 Juli, 1862, too vetalle auls hee mett veea aundre toop eene Foaht oppe Lomm oppem Themes Riefa bie Oxford muak. Prädja Robinson Duckworth enn dree Mädtjes weare mett von dee Partie: Alice Liddell, dee tien­joahsche Dochta vom Dekan vonne Christ Tjoatj, enn ähre Sesta Lorina, drettien Joah oolt, enn Edith, dee jinjste Sesta mett acht Joah. Daut Jedijcht aum Aunfong vonne Jeschijcht besajcht, daut dee dree doaropp bestunde, daut Dodgson ahn eene Jeschijcht vetalle sull. Enn soo fong hee aun dee easchte Versjoon von dee Jeschijcht too vetalle, wann hee uck aunfenjlich een bät schlure deed. Han enn wada, medde mang dee lenjere Jeschijcht, ess von aule fief von dee Lommpartie dee Räd; toom easchten Mol kaum dee Jeschijcht aune 1865 too Druck. Dit ess de easchte Awasatung von "Alice's Adventures in Wonderland" emm Mennonitenplaut. Disse Sproak (ooda plautdietsche Dialektgrupp) woat enn Kanada, enne Stäts, Mexiko, Brasilien, Bolivien, Paraguay, Honduras, Belize, Argentinien von ruhm 300,000 Mennoniete jerät. Disse Zohl nemmt enn Dietschlaund too, wiels väle Mennoniete von Ruβlaund kaume nohdem de Sowjet­union utenaunda foll. Mennoniete jeheare too eene relijeese Grupp, woohne uasprinjlijch von Ho...